Siulersuisut suliffeqarfimmut nalilimmik pilersitsigaangata
Siulersuisuni ilaasortatut qanoq nalilimmik pilersitsisoqartarpa?
Siulersuisut suliassaa pingaarneq tassaannaanngilaq ingerlatseqatigiiffiit missingersuutaannik kingumut nakkutignninneq, kisianni siunissamut annertuumik sulinikkut nalilinnik pilersitsineq.
Allatut oqaatigalugu, suliffeqarfissuup periarfissaanut tunngatillugu siunnerfiliinerup, siunnersuinerup aamma aqqutissiuinerup qitiutinnissaat.
Suliffeqarfiup tunngaviusumik nalilimmik pilersitsinera, niuernermi ilusiq, kultur aamma avatangiisiminik suleqateqarnera siulersuisut paasivaat.
Sulifffeqarfiup sullitai, pilersuisui aamma soqutinnittui tusarnaarneqarpat? Siulersuit ukiutmut ataasiarlutik qulimiguulik pingaartittarpaat, imaluunniit siulersuisuni ataatsimiinneranni ingerlaneq kisimi qitiutinneqartarpa?
Apeqqutit tamakkua tassaapput piginnittut siulersuisullu eqqumaffiginerusassaat, siulersuisunilu sulinermi inerniligassaat.
Ukiorpassuarni Kalaallit Nunaanni siulersuisuni sulinermik misilittagaqarneq sanarfisimavara. Uannut ersarippoq, siulersuisuni issianermik paasinnittaaseq qimassagipput taarsiullugulu oqariaaseq ”siulersuisuni sulineq” atussallugu”. Piffissaq piareersarfiusoq aammalu siulersuisuni sulineq piumasaqaataapput.
Siulersuisuni sulineq sorpassuusinnaavoq.
Aalajangernerit eqqortut annertusinissamut ineriartornissamullu nutaanik periarfissaqalersitsisinnaap-put.
Aalajangernerit kukkusut imaluunnit nakkutiginninneq malitseqartitsiner-luunniit amigaataasut aningaanik annaasaqaataasinnaaput, ajorner-paappallu siulersuit siulersuisunut akisussaaffiliisinnaallutik.
Akisussaaffimmik taassuminnga paasinninneq aamma siulersuisut pingaarnertut suliassaat Relatepeoplep siulersuisuni sulinermik pikkorissartitsissutaanut ilaasut. Pikkorissarnerit imarisai siulersuisuni sulinermi ingerlatseqatigiiffinni aqutsinermi, ilisimasat akuerisaasut aamma atuakkat tunngaveqarput.
Siulersuisut inissisimanerannut akisussaaffinnullu tunngatillugu siulersuisut piareersarneqarnissaat suliffeqarfissi kissaatigippagu, attavigisinga.
Qaqugu sumilu
23-26. januar 2024
Siulersuisuni sulinermi ilisimatusarnermik ilisimasanik tunngaveqartuni ilallugu aamma suliassaqarfimmi misilittakkanik tunngaveqartumik pikkorissartitsineq qaffasissoq.
Siunertaq
Pikkorissartitsinerup siunertaraa kalaallit suliffeqarfissuaataanni maannakkut siulersuisuni ilaasortat ”ilisimasanik pitsaanerpaanik” siulersuisuni sulinermut tunngasunik tuniorassallugit. Siunertaq tassaavoq ilisimatusarnikkut aamma ilisimasatigut tigussaasutigut qaffasissumik tunioraanissaq, taassumalu siunertaraa ajornartorsiutit takussaanerpaat ilisimasaqarfigilissallugit, taakku siulersuisuni ilaasortat ajornartorsiutigisaat. Qitiutinneqartoq tassaavoq siulersuisut nalilinnik pilersitsisumik kiisalu suliffeqarfiit piujuaannartitsinerannik siuarsaasut. Tamatuma piumasarineqarpoq, siulersuit suliaminnut pikkorissuseqarlutik sulissasut, taamaasillutik aalajangikkat sapinngisaq tamakkerlugu tunngaveqarluni siulersuisuni sulinermi sakkunik misilerarluarsimasanik atuilluni aalajangiunneqartarnissaat.
Peqataasunut naleqarnera
Pikkorissarnermi peqataanerup kingorna naatsorsuutigineqarpoq, peqataasut siulersuisuni sulinermi qaffasissumik tunniussinissaat, tassunga ilanngullugu ajunngitsussaq anguniarlugu ulluinnarni aqutsisunik unammillersinnaassuseq aamma suleqatiginnissinnaassuseq, tamatumani apeqqutaatinnagu, suliffeqarfimmi sulisut imaluunniit piginnittumit toqqarneqarsimaneq.
Peqataareernerup kingorna peqataasimasut pisutsit qitiusut ilisimasaqarfigilersimassavaat; Siulersuisut sulineranni killiliussaq sunarpiaava? Qanoq siulersuini sulineq pilersaarusiorneqartarpa aamma suliamut pikkorissiffigineqartarpa? Siulersuisut suliffeqarfiup periusissiaanut nalilinnillu pilersitsineranut tunniussaqarsinnaappat?
Ilinniartitsineq aamma pædagogik
Ilinniartitsineq immikkoortunut marlunnut siaarsimavoq. Immikkoortoq siulleq Nuummi novemberimi ulluni pingasuni sukumiisumik ilinniartitsinermik imaqarpoq, tassani Kalaallit Nunaanneersut saqqummiussissapput. Immikkoortoq tulleq tassaavoq ulluni pingasuni januarimi Københavnimi ingerlasussaq, tassani avataaneersut saqqumiussissapput.
Pikkorissarnermi pædagogikki immikkoortutut imalittut sanarfineqarsimavoq, tassani qulequttat saqqummiunneqassapput. Peqataasut ilinniarnermut peqataanissaat ilanngussinissaallu piumasaqaataavoq, tamanna nammineq misilittakkani paarlaateqatigiinnermi, kiisalu eqimattakkaarluni assersuuteeqqanik malitseqartitsilluni saqqummiussinikkut.
Pædagogikki taamaasilluni peqataasut ilutsimik aaqqissuussinermillu tunniussaqarnissaanut sammivoq, taakku malitseqartitsilluni nammineq suliffeqarfimmi/siulersuisuini nammineerlutik atorsinnaasaat. Caspar Rosep ilinniartitsinera tigussaasumut qanittuararsuuvoq aammalu mesterlærip tunngavianit sanarfineqarsimalluni, inuttut isumasioqatigiinneq ilinniarnermi pissusissamisuuginnartutut ilaalluni.
Pikkorissartut immikkoortuni tamani atortussatit mappiniitillugit tigusassavaat.
Ilinniartitsisut
Ilinniartitsisut tassaanerupput pingaarnertut Caspar Rose, tulliattut Julia Pars, pikkorissarneq tamakkerlugu ilinniartitsinermi ilinniartitsisut marluusut aappaat. Taassuma saniatigut immikkut ilisimasalinnit siuttuusuni saqqummiussisoqartassaaq kiisalu siunnersortaanerit qaffasinnerit avataaneersut. Sulilluarnissaq pitsaasut taamaasilluni qulakkeerneqassaaq kiisalu qulequttat isikkivinnit arlalinnik saqqummiunneqassallutik.
Caspar Rose CBS-imi lektoriuvoq/professoriuvoq kiisalu eqqartuussissuserisuulluni namminersortoq ingerlatseqatigiiffinnik inatsisinik aamma siulersuisunik aqutsinermik immikkut ilinniagaqarsimasoq. Caspar Rose ukiorpassuarni siulersuisunik aqutsinermik misilittagaqarpoq, taakku ilisimatusarnermik ingerlatseqatigiiffinnik pitsaasumik aqutsinermik aamma siulersuisuni sulinermik misilittagaqarpoq. Caspar Rose aningaasarnermut qaffasissumik aamma eqqartuussissuserisutut ilinniagaqarsimavoq. Aammattaaq Danske Bankimi, Dansk Industrimi aamma Magnusson Advokaternimi sulisimavoq.
Julia Pars Relatepeoplemik suliffeqarfimmik siunnersuinermik pikkorissartitsinermillu suliaqartumik 2021-mi aallartinneqartumik piginnittuuvoq. Julia Kalaallit Nunaanni inunngorpoq peroriartorlunilu Kalaallit Nunaannilu pisortani namminersortunilu aqutsinermik siulersuisunilu suliaqarnermik suliaqarsimavoq, taakkununnga ilanngullugit Air Greenland, KNI, Visit Greenland, Katuaq il.il. Julia akademiøkonomitut, Henley Business Schoolimit immikkut periusissianik qitiutitsinermik aqutsinermillu ilinniarsimavoq, Aaqqissuussaanermik Attuumassuteqartunik ORSCC-itut ilinniarsimavoq, Pijuaannartitsinermik Aqutsisutut ilinniarsimavoq, NLP-master practitioneritut ilinniarsimavoq kiisalu INSEAD-mik siulersuisunik sungiusaaneq naammassisimavaa. Julia maanna Pisiffimmi siulersuisuni siulittaasuuvoq, KAIR-imi siulersuisuni ilaasortaavoq, CSR Greenlandimi aamma Qeqertalik Business Councilimi – Destination Disko Bayimi siulersuisunut ilaasortaavoq.
Imarisai
Pikkorissarnermi qulequttat ilaatigut ukuusut iserfigineqassapput:
Ukununnga sammitinneqarpoq:
Siulersuisuni sulilluneq pillugu misilittagaqarluartunut aamma ilaasortanut nutaanut.
Sivisussuseq ullulersorneqarneralu
Ullut 4 tamakkiisumik.
23.-26. januar 2024
Hotel Hans Egede, Nuuk
Akiliinermi uku ilaapput
Akianut 30.000 kr. uku ilaapput: pikkorissarneq, saqqummiisussat saqqummiinerat, mappimik tunineqarneq, pikkorissarneq nalaani nerineq ammalu unnukkorsiorneq 1 Nuummi.
Paasissutissat allat
Akianut uku ilaanngillat; angalanerit, pikkorissarnermi piffimmut imal. piffimmiit ingerlanerit, unnuinerillu. Tamakku peqataasuninngaanniit nammineq isumagineqassapput.
Peqataanissamut allatsinneq imminut pituttorsimavoq, allatsinnermilu akia akilerneqartussaavoq. Allatsinneq taamaatiinnarnerlu pillugu malittarisassat ataaniittut malugeqquneqarput.
Malugeqquneqarpoq danskisut pikkorissartitsineq ingerlanneqassammat.
Una malugiuk: Pikkorissarneq tullia 13.-16. november 2023 ingerlanneqassaaq. Allatsikkusukkuit saaffigisinnaavarma.
Programmi uani takuneqarsinnaavoq:
Pikkorissartitsineq pillugu una atuaruk:
Allatsinneq taamaatiinnarnerlu pillugu malittarisassat ataaniittut malugeqquneqarput:
Qaqugu sumilu
30. oktober-01. november 2023 Nuummi aamma
18.-19. januar 2024
Suliffeqarfiup ukiumoortumik nalunaarutaata itinerusumik pulaffiginissaanut piareerpit, tassunga ilanngullit ukiumoortumik naatsorsuutit. Aamma ilisimasatit eqeersarniarlugit pikkorissarusuppit, taakku ilisimariikkannik ilapittuisut?
Pikkorissartitsinerup nassuiarnera
Pikkorissareernerup kingorna ukiumoortumik naatsorsuutit, kisitsisit pingaarnerit, akiliisinnaassuseq, aalajaassuseq, aningaasaqarnikkut upalungaarsimaneq, missingersuutit, inatsisit attuumassuteqartut, ulorianartorsiornermik ersiutit - nukittunerujussuarmik inissiffigissavatit – kiisalu siulersuisut ataatsimiittarfianni apeqqutit eqqorluinnartut apeqqutigisinnaallugit.
Pikkorissarnermi matumani suut tamaasa iserfigissavagut, tamatumani oqariaatsit kisitsisillu pingaarnerit ukiumoortumik naatsorsuutinut tunngasut pillugit ilisimasanik tuniorarneqassaatit ilisimasaqalerlutillu, taakkununnga ilanngullugu siulersuisuni ilaasortatut ”erfalasut aappalaartut”-nik takunnissinnaaneq.
Ukiumoortumik nalunaarusiap immikkoortui imminnullu attaveqarnerat ilinniassavatit. Aammattaaq periusissiaq atorlugu naatsorsuutinik misissueqqissaarneq iserfigissavat, tassunga ilanngullugu suliffeqarfiup akilersinnaassusaa, isertitai, akiliisinnaassusaa, aningaasaqarnikkut upalunaarsimanera, missingersuutit aamma perartarsinnaasut pingaarnerit, tamatumani assersuutinik aallaaveqartoqassaaq. Aammattaaq suliffeqarfissuit anginerit Namminersorlutik Oqartussanit pigineqartut toqqarneqartut naatsorsuutaat misissussavagut, taakku taamaasillutik atuartitsinermi assersuutitut taamaasillutik atorneqassapput.
Ilinniartitsineq aamma pædagogik
Pikkorissarnermi pædagogikki immikkoortutut imalittut sanarfineqarsimavoq, tassani qulequttat saqqummiunneqassapput. Peqataasut ilinniarnermut peqataanissaat ilanngussinissaallu piumasaqaataavoq, tamanna nammineq misilittakkani paarlaateqatigiinnermi, kiisalu eqimattakkaarluni assersuuteeqqanik malitseqartitsilluni saqqummiussinikkut.
Ilinniartitsisoq
Ilinniartitsineq eqqartuussissuserisumit Caspar Rosemit ingerlanneqassaaq, taanna CBS-imit aningaasaqarnermi Ph.D-tut cand.merc.-itullu tunuliaqutaqarpoq. Caspar Rose CBS-imi masterimik ilinniarnerni assigiinngitsuni ilaatigut annertuumik ilinniartitsinermik, nammineerluni siulersuisunik pikkorissartitsinernik kiisalu eqqartuussissuserisunik pikkorissartitsinernik misilittagaqarpoq.
Rose Advoterit piginerata saniatigut, Caspar Rose siulersuisuni arlalinnik ilaasortaavoq, taamaasilluni pikkorissaritsineri piffissami Danske Bankimi aamma Dansk Industrimi sulineranit misilittagaanit annertuuneersuupput.
Naatsumik oqaatigalugu, allassimasut iliuuseqarnermik taarserneqarsinnaapput taamaasillutillu nalilinnik pilersitsillutik.
Imarisai
Ukiumoortumik nalunaarusiap siunertaa aamma imarisai pingaarnerit:
Naatsorsuutit misissoqqissaarnerat
Ukununnga sammitinneqarpoq:
Siulersuisuni sulilluneq pillugu misilittagaqarluartunut aamma ilaasortanut nutaanut.
Sivisussusaa aamma ullut
Ullut katillugit tallimat.
30. oktober-01. november 2023 Nuummi aamma
18.-19. januar 2024
Hotel Hans Egede, Nuuk
Akip matussusigai
Akip 37.000 kruunit ilinniartitsineq, avataaneersup saqqummiussinera, ilinniarnermi atuagaq, Nuummi ulluni pikkorissarfiusuni nerisaqarneq kiisalu nerersuarneq ataaseq.
Paasissutissat allat
Angalaneq, pikkorissarfimmut/
pikkorissarfimmit ornigunneq, unnuineq peqataasumik nammineq akilerneqartussat akimut ilaanngillat.
Akiliinermi pituttorneq, nalunaarnermi taamaatitsinermilu piumasaqaatit maluginiakkit, taakku nalunaarnermut uppernarsaammut ilanngullugit nassiunneqassapput.
Maluginiaruk pikkorissartitsineq qallunaatut ingerlanneqassammat nutserneqaranilu.
Nalunaarneq
Uunga nalunaartoqassaaq: julia@relatepeople.com.
Programmi uani takuneqarsinnaavoq:
Pikkorissartitsineq pillugu una atuaruk:
Allatsinneq taamaatiinnarnerlu pillugu malittarisassat ataaniittut malugeqquneqarput:
Siulersuisunut nalilinnik tunniussigit
Siulersuisunut toqqarneqarneq siulersuisuni sulinermik piareersarnermik ilisimasaqarnermillu piumasaqaatitaqarpoq. Relatepeople immikkut tulluarsakkanik siulersuisut akisussaaffiannik pikkorissaasarpoq, iliuutsit agguataarnerannik kiisalu ingerlatseqatigiiffinni aqutsinermi tunngavigisat pillugit nalituunik imalimmik.
Suna pisussaaffiginerlugu imaluunniit soqutigisarissanerlugu aammattaaq ilinniarneqassaaq. Assersuutigalugu qulequttat akisussaaffiillu inatsisinut aningaasaqarnermullu tunngasut, aammalu siulersuiusuni ilaasortatut sunik nalilinnik tunniussiniarluni iliuuseqarsinnaaneq pillugit.
Pikkorissarneq ullunik 1-3 sivisussuseqarsinnaavoq, inatsisilerituumik kukkunersiuisumillu suleqateqarluni Relatepeoplemit aaqqissuunneqartarluni.
Sivisussuseq, ullut 1-3 apeqqutaatillugu kissaatigisaq.
Uunga sammitinneqarpoq: siulersuisuni ilaasortat nutaat misilittagarluartullu. Peqataasut ikinnerpaamik tallimat.
Kiffartuussisutit allattorsimaffiat kalaallisut qallunaattullu suliarineqarsimapput.
Ataani amusinnaallugulu takusinnaavat.
Ydelseskataloget er lavet på grønlandsk og dansk.
Du kan se den herunder og downloade.
.png?withoutEnlargement&resize=79,29){kind=logo}
.png?etag=%221e3a-614b1398%22&sourceContentType=image%2Fpng&ignoreAspectRatio&resize=534%2B196){kind=logo}