Suna tamarmi pineqaraangat, taava attveqaatigisat pineqartarput
Attaveqaatit pitsaasut suliffeqarfimmut pingaaruteqarput.
Ilisimatusarnerpassuit tikkuarpaat, sulinermi avatangiisigissaarneq, angusaqarluarneq aningaasarsiorsinnaassuserlu sakkortuumik imminnut attuumassuteqartut. Sulisut ilorrisimaartut sulisoriinnarnerujuminarnerullutillu angusaqarnerusarput.
Suliffeqarfimmi ataveqaatit pitsaasut sulinermik nuannarisaqarnerup annertunerulernissaanut, napparsimanerit ikinnerulernerannut, allanngornissamut piumassuseqarnerunermik, uisakajaarnaveersaarnerup annerulerneranut pinngorartitsillaqqinnerunermullu iluaqutaasinnaapput.
Ataani Relatepeoplep pikkorissarnermut siunnersuutai takukkit.
Suleqatigiinneq aamma attaveqaqatigiinneq
Pikkorissarnermi tassani attaveqaqatigiinnerup qanoq suliffeqarfimmut sulisullu ataasiakkaat anguniakkanik angusaqarniarnermi iluaqutaasinnaanera, attaveqaqatigiinnermi periutsit assigiinngitsut, qanoq torersumik attaveqaqateqartarnissaq, aaqqiagiinngissutinik annikillisaaneq suliffeqarfimmi pitsaasunik attaveqalernissap qanoq pilersinneqartarnera. Saaffiginiakkat: Aqutsisut aamma su lisut. Sivisussuseq, ullut marlu saqqummiussinertaqarlutillu sungiusarnertaqartut. Pikkorissarneq ikinnerpaamik tallimanik peqataasoqarluni ingerlanneqassaaq.
Aqutsisunut aaqqiagiinngissutinik isumaginninneq
Aqutsisuunerup aaqqiagiinngissutini iluarsiineq tamatumanilu oqaloqatigiinnerit nalunartut ilaannikkut nassatarisarpa. Pikkorissarneq una aaqqiagiinngissutinik paasinninnermik ilinniartitsinermik imaqarpoq, illit aqutsisut qanoq aaqqiagiinngissutinik iluarsiiniarlutit piareersarsinnaanersutit. Taakkua saniasigut oqaloqatigiinnernut nalunartunut ingerlatsinissannut sakkussarsissaatit, nakkarfiusinnaasut, aamma qanoq isillutit ingerlatsissanersutit malitseqartitsillutillu.
Pikkorissarneq saqqummiussinertalik tigussaasumillu sungiusarnertalik ullunik marlunnik sivisussuseqarpoq. Peqataasut ikinnerpaamik tallimat.
Aqutsisutut attaveqaqatigiinngitsoorsinnaanngilatit. Inuttut aqutsineq aamma attaveqatigiinneq pillugit pikkorissarneq ilinnut tassaavoq, attaveqaqatigiinnermi aallaavik nammineq pigisat pitsaanerpaaq tunngavilissallugu, inuit akornanni attaveqaqatigiinneq, misigissutsit tallimat, timip oqaasii, tusarnaarluarneq, oqaatsit atorneqartut, sooq piffissaq attaveqaqatigiinnermut atussaneripput aammalu kissatigisatit anguniarlugit sunniiniutit pingaarnerit atussaneritit. Saaffiginiakkat: Aqutsitut. Sivisussuseq: Ullut marluk. Peqataasut ikinnerpaamik tallimat.
Sulisuit qanoq kajumissaarnissaat ilinniarusuppiuk? Pikkorissarnermi matumani ilisimasat sungiusarnerlu kajumissutsimik kivitsisut aamma ilinnut sulisunnullu sulinermik nuannarisaqarnermik qaffatsitsisut ilinniassavatit. Sivisussuseq: Ulloq ataaseq. Peqataasut ikinnerpaamik tallimat.
Siulersuisut suliffeqarfinnut nalilimmik pilersitsigaangata
Siulersuisuni ilaasortatut qanoq nalilimmik pilersitsisoqartarpa?
Siulersuisut suliassaa pingaarneq tassaannaanngilaq ingerlatseqatigiiffiit missingersuutaannik kingumut nakkutignninneq, kisianni siunissamut annertuumik sulinikkut nalilinnik pilersitsineq.
Allatut oqaatigalugu, suliffeqarfissuup periarfissaanut tunngatillugu siunnerfiliinerup, siunnersuinerup aamma aqqutissiuinerup qitiutinnissaat.
Suliffeqarfiup tunngaviusumik nalilimmik pilersitsinera, niuernermi ilusiq, kultur aamma avatangiisiminik suleqateqarnera siulersuisut paasivaat.
Sulifffeqarfiup sullitai, pilersuisui aamma soqutinnittui tusarnaarneqarpat? Siulersuit ukiutmut ataasiarlutik qulimiguulik pingaartittarpaat, imaluunniit siulersuisuni ataatsimiinneranni ingerlaneq kisimi qitiutinneqartarpa?
Apeqqutit tamakkua tassaapput piginnittut siulersuisullu eqqumaffiginerusassaat, siulersuisunilu sulinermi inerniligassaat.
Ukiorpassuarni Kalaallit Nunaanni siulersuisuni sulinermik misilittagaqarneq sanarfisimavara. Uannut ersarippoq, siulersuisuni issianermik paasinnittaaseq qimassagipput taarsiullugulu oqariaaseq ”siulersuisuni sulineq” atussallugu”. Piffissaq piareersarfiusoq aammalu siulersuisuni sulineq piumasaqaataapput.
Siulersuisuni sulineq sorpassuusinnaavoq.
Aalajangernerit eqqortut annertusinissamut ineriartornissamullu nutaanik periarfissaqalersitsisinnaap-put.
Aalajangernerit kukkusut imaluunnit nakkutiginninneq malitseqartitsiner-luunniit amigaataasut aningaanik annaasaqaataasinnaaput, ajorner-paappallu siulersuit siulersuisunut akisussaaffiliisinnaallutik.
Akisussaaffimmik taassuminnga paasinninneq aamma siulersuisut pingaarnertut suliassaat Relatepeoplep siulersuisuni sulinermik pikkorissartitsissutaanut ilaasut. Pikkorissarnerit imarisai siulersuisuni sulinermi ingerlatseqatigiiffinni aqutsinermi, ilisimasat akuerisaasut aamma atuakkat tunngaveqarput.
Siulersuisut inissisimanerannut akisussaaffinnullu tunngatillugu siulersuisut piareersarneqarnissaat suliffeqarfissi kissaatigippagu, attavigisinga.
Siulersuisuni sulinissamut piareerneq
Siulersuisunut toqqarneqarneq siulersuisuni sulinermik piareersarnissamik ilisimasaqarnermillu piumasaqaateqarput. Ullormi ataatsimi pikkorissarnermi tunngaviusumik ilisimasassat siulersuisuni ilaasortatut siulersuisuni ilaasortatut nutaatut nalilinnik tunniussinissannut piumasaqaataasut pissarsiarissavatit. Siulersuisuni inissisimanerit assigiinngitsut pillugit, siulersuisut akisussaaffiat pisussaaffiilu, minnerunngitsumillu siulersuisuni sulinermi sakkut pingaarnerpaat ilisimasassatit ilinniassavatit, tassungalu ilaapput periussiamut tunngatillugu suliassat.
Saaffiginiakkat tassaapput siulersuisuni ilaasortat nutaat. Sivisussuseq, ulloq ataaseq. Ikinnerpaamik peqataasut tallimat.
Siulersuisunut nalilinnik tunniussigit
Siulersuisunut toqqarneqarneq siulersuisuni sulinermik piareersarnermik ilisimasaqarnermillu piumasaqaatitaqarpoq. Ulluni marlunni pikkorissarnermi siulersuitut akisussaaffiannik, iliuutsit agguataarnerannik kiisalu ingerlatseqatigiiffinni aqutsinermi tunngavigisat pillugit nalituunik ilisimasaqalissaatit.
Suna pisussaaffiginerlugu imaluunniit soqutigisarissanerlugu aammattaaq ilinniassavatit. Assersuutigalugu qulequttat akisussaaffiillu inatsisinut aningaasaqarnermullu tunngasut, aammal siulersuiusuni ilaasortatut sunik nalilinnik tunniussiniarlutit iliuuseqarsinnaanersutit.
Pikkorissarneq ullunik marlunnik sivisussuseqartoq inatsisilerituumik kukkunersiuisumillu suleqateqarluni Relatepeoplemit aaqqissuunneqarpoq. Sivisussuseq, ullut marluk. Peqataasut ikinnerpaamik tallimat.
Kiffartuussisutit allattorsimaffiat kalaallisut qallunaattullu suliarineqarsimapput.
Ataani amusinnaallugulu takusinnaavat.
Ydelseskataloget er lavet på grønlandsk og dansk.
Du kan se den herunder og downloade.
.png?withoutEnlargement&resize=79,29){kind=logo}
.png?etag=%221e3a-614b1398%22&sourceContentType=image%2Fpng&ignoreAspectRatio&resize=534%2B196){kind=logo}
